младописьменный подкорпус
тексты для детей
Kipinä, №9, (2014), с. 19; Filipp Brüggeling, 8 klass
Minä tulin Kiprale läz vot tagaze, ku oiktas ka 2013 voden kül’mkus. Siloi zavodin-ki kävuda Pafosan venälaižehe školha. Minä tulin Moskvaspäi. Kipr om minei mel’he, tägä om čoma da elo mäneb hilläšti. Škol om minei mugažo mel’he, i minä augotišespäi tahtoin kävuda neche školha, ei grakalaižehe vai anglialaižehe školha, sikš ku anglijan kel’t tedan völ ei lujas hüvin, a grekan kel’t ani en teda. A venälaižes školas voin opetas venäks. Minun hobbi om sport, ezmäi kaiked jäugmäcvänd. Tulijal aigal tahtoin tehtas voinmeheks vai biznesmeheks, en teda völ, kut elo mäneb.