Warning: session_start(): open(/var/tmp/sess_574cd0dde14420ca9fbe35acedf7a62d, O_RDWR) failed: No space left on device (28) in /www/vepsian/text/index.php on line 2

Warning: session_start(): Cannot send session cache limiter - headers already sent (output started at /www/vepsian/text/index.php:2) in /www/vepsian/text/index.php on line 2

Warning: Cannot modify header information - headers already sent by (output started at /www/vepsian/text/index.php:2) in /www/vepsian/config.php on line 16
Вепсский корпус
Продолжение проекта: Открытый корпус вепсского и карельского языков

Корпус вепсского языка

Тексты

Список текстов / диалектные тексты


Püuvhan kazvatadihe

диалектные тексты

средневепсский диалект

Информант: Филиппова Ефимья Ивановна, г.р. 1921, место записи: Ладва (Ladv), Подпорожский р-н, Ленинградская обл.

Язык и народ: тексты и комментарии, (2002), с. 75-76

Püuvhas radod oli äi. Mäned, mecas palon čapad, verdad händast. Norikeine mec čaptas, ningoman norišteižen lüudad kaskuden. Nece čaptud mec ahavoičese, verdad necen. Pud nene kuivatas da hebol vedetas. Verandon ningoman teged da kangil’ tuukid necen lämboin-se, miše mustenziš necen tahon-se. Potom künttas adroil’, ägestadas čomašti. Potom püuhan semetas, haravol haravoičed čomašti. Potom lähtob jo, mäned da kaiken küt’kid'. Potom kazvab, necen rehtad, püuhan otad, sid’ ribid’, jesli sinii koukloid’ tarbi. Potom ligoho ligotadas, ligod järvel. Sigä oliba mecas Säg’järv, pit’k mugoi om. Ligotadas nedalid' kaks’. Potom ligospei vedetas, nit’ule kaiken levitad, mišto vougištuiž. Nit’ul vougištuse, sid’ kacleižen otad, kacud, jogo hän om ehtn’u, jogo pästar’ eragandeb. Potom lendad, aidoiš ümbri ahavoičetad händast, riheze ahtad. Tapmed mugomad oma, tapmel tapad händast, kelikoičed kelikol, vidimel vidod, mišto pästar’-se lähtiž. Sid’ harjal harjad händast. Sid’ jo kezerdad kožlil’, värtnal värtitad, värtn’ale keradad händast, bipšihangole bipšid. Viht’akod pezed, kerid tukuile. Londsijad oliba, londsijile kaiken viht’atad. Sid’ kanghaze stavinad tod pert’he, kolod lat’t’ud, kolodale kärid. Sid’ nided ladid da birdan. Potom poutin jo tegese. Voumiž poutin lumihanges belitadas.

– Miččen poutnan kudod?

– Pel’hine ka kuiduspei kezerdase, a sanktemb balafonoikš ka nece ladvesespei. Sišpei tehliba štanad, balafonad, pinžakod, a kuiduspei paidad.

– A kudotas kut?

– Stavinad nene siižutad, potom suksed lat’t’ud, sukloine om, langan kämile kämitad. Čoma diki kudoda om. Siin’an pejas kudomei. Edou aršinad oliba, nu ka siičme aršinad siin’ da kahesa. Siin’ad kaks’toštküme paned pel’hišt’, necida hoikembašt-se, a tošt konz viž da konz kuz’ siin’ad, sanktembad ladvesespei. Pos’tel’nikoid’ da od’aloid’ kudolimei. Nügüde näged polovikoid’ kudomei, a eduu od’aloid’. Langan mujutad i kudod.

Eduu konz mehele mända ka äjan lahjoid’ tehliba. Ombled uzorad emäha, ostad rušttad bumagad da ombled uzorad. Eduu ved’ lahjad lendiba. Sur’ rod, ka äi lahjoid’ lähteb, ii sur’, ka vähemb lähteb.



Warning: Unknown: open(/var/tmp/sess_574cd0dde14420ca9fbe35acedf7a62d, O_RDWR) failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct (/var/tmp) in Unknown on line 0