библейские тексты (переводные)
Uz’ Zavet, (2006), с. 80; Evangelii Markan mödhe. Iisus zavodib radon 1-3. 1.
21Hö tuliba Kapernauman lidnaha. Sobatan Iisus teravas mäni suimpert’he i openzi sigä. 22Rahvaz čududelihe hänen opendushe. Hän openzi muga kut se, kenel om vald, a ei kut käskištonopendajad.
23Siloi lidnan suimpert’he tuli mez’, kudambas oli pagan heng. Hän kidastaškanzi: 24«Midä sinä meišpäi tahtoid, Iisus Nazaretalaine? Sinä oled tulnu vemha meid surmha! Minä tedan, ken sinä oled – Jumalan Pühä!» 25No Iisus kel’di henged kovas: «Ole vaikti! Lähte hänespäi!» 26Siloi pagan heng peksaškanzi mest, kidastaškanzi komedal änel i läksi hänespäi. 27Kaik čududelihe i küzeliba toine tošt: «Mi nece om? Ka mitte nece uz’ openduz om, miše hän valdanke käskeb paganoile hengile, i hö kundleba händast?» 28I teravas hänen polhe tedištiba kaikjal, ümbri kaikes Galilejas.