Продолжение проекта: Открытый корпус вепсского и карельского языков

Корпус вепсского языка

Тексты

Список текстов / библейские тексты (переводные)


Iisus tüništoitab torokan

библейские тексты (переводные)

Uz’ Zavet, (2006), с. 89; Evangelii Markan mödhe. Sured čudod 4:35-5:43. 4.

35Sen päivän ehtal Iisus sanui openikoile: «Nügüd’ lähtkam toižele randale.» 36Openikad pästiba rahvahan i ištuihe veneheze, kus ištui jo Iisus. Toižid-ki venehid läksi hänenke. 37Ühtnägoi libui sur’ tullei, i lainhed löihe üliči venehen laidoiš, i veneh zavodi täuttas vedel. 38No Iisus magazi venehen peras pöluz pän al. Openikad heraštoitiba händast i sanuiba: «Opendai, ed-ik holdu siš, miše mö uptam!» 39Siloi hän libui, kel’di tulleid i käski järvele: «Tüništu, tule hilläks!» Tullei tüništui, tegihe lujas tün’. 40Iisus sanui heile: «Mikš tö muga varaidat? Kut teil ei ole uskondad?» 41Siloi hö pöl’gästuiba völ-ki enamban i küzeliba toine tošt: «Kenak nece mez’ om? Tullei i lainhed-ki kundleba händast.»