Продолжение проекта: Открытый корпус вепсского и карельского языков

Корпус вепсского языка

Тексты

Список текстов / библейские тексты (переводные)


Iisus tegeb tervheks kurdhon mehen

библейские тексты (переводные)

Uz’ Zavet, (2006), с. 97-98; Evangelii Markan mödhe. Iisus käveleb Galilejas i lähembaižiš tahoiš 6:1-8:26. 7.

31Iisus läksi möst Tiran i Sidonan tahospäi i tuli Kümnen lidnan tahon kal’t Galilejajärvele. 32Sigä hänennoks todihe kurdiž mez’, kudamb ei voind hüvin pagišta, i pakitihe, miše Iisus paniži käden mehen päle. 33Iisus oti händast eriži rahvahaspäi, pani sormed hänen korvihe, sül’gi i kosketi hänen kel’t. 34Sid’ hän kacuhti taivhaze, hengahti i sanui kurdhole: «Effafa», mi om «avaite». 35Siloi mehen korvad avaižihe, i hänen kel’ välleni, i hän pagižeškanzi hüvin. 36Iisus ei käskend mehile sanuda neciš nikenele, no midä enamba hän ei käskend, sidä enamba hö saneliba vestid neciš kaikjal. 37Kaik lujas čududelihe i saneliba: «Hüvin hän om kaiken tehnu. Kurdhoid hän tegeb kulijoikš, lamanoid – pagižijoikš.»