библейские тексты (переводные)
Uz’ Zavet, (2006), с. 14-15; Evangelii Matvejan mödhe. Iisus opendab mägel 5-7. 7.
7«Pakikat, i teile anttas. Eckat, i tö löudat. Kolkotagat, i teile avaitas. 8Sikš ku kaikutte pakičii sab, ecii löudab, i kolkotajale avaitas. 9Ved’ niken teišpäi ei anda poigale kived, ku hän pakičeb leibäd, 10vai küd, ku hän pakičeb kalad! 11I ku tö, pahad mehed, mahtat antta ičetoi lapsile hüvid lahjoid, ka sidä enamban teiden taivhaline Tat andab hüväd nenile, ked necidä hänel pakičeba.
12Kaiken, min tahtoit, miše mehed tegižiba teile, tehkat tö-ki heile. Siš om käskišton i sanankandajiden kirjutusiden jüvä.
13Mängat südäimehe ahthan verajan kal’t. Äjad mäneba levedan verajan kal’t i levedad tedme, no se veb igähižihe mokihe, 14sikš miše ahtaz om se verai i kaid se te, kudamb veb eloho, i vaiše harvad löudaba sidä.»