Продолжение проекта: Открытый корпус вепсского и карельского языков

Корпус вепсского языка

Тексты

Список текстов / библейские тексты (переводные)


Sajan aigan ei pühütagoi

библейские тексты (переводные)

Uz’ Zavet, (2006), с. 20; Evangelii Matvejan mödhe. Iisusan sured tegod 8-9. 9.

14Sid’ Joannan openikad tuliba Iisusannoks. Hö sanuiba: «Mikš mö i farisejad pühütam paksus, a sinun openikad ei pühütagoi?» 15Iisus sanui heile: «Ved’ ei voigoi sajan adivod olda pahoiš meliš, kuni ženih om heiden keskes! Völ tuleb se-ki aig, konz ženih ottas heišpäi, i siloi hö pühütaškandeba.

16Niken ei ota udes kanghaspäi paikad hudraha sobaha. Mugoine paik ištuse i rebitab soban, i reig linneb völ suremb. 17I niken ei vala ut vinad vanhoihe nahkastijoihe. Ved’ siloi nahk rebineb, vin valase maha i astijad travišoiš. Ei, uz’ vin valetas uzihe nahkastijoihe. Siloi molembad kaičesoiš.»