Продолжение проекта: Открытый корпус вепсского и карельского языков

Корпус вепсского языка

Тексты

Список текстов / библейские тексты (переводные)


Nižu i rujoheinäd

библейские тексты (переводные)

Uz’ Zavet, (2006), с. 33; Evangelii Matvejan mödhe. Ozoitezstarinad taivhan valdkundan polhe 13:1-52.

24Iisus sanui heile toižen ozoitezstarinan: «Taivhan valdkund om mugoine: Mez’ semenzi pöudho hüvid semnid. 25No konz kaik magaziba, tuli hänen vihanik, semenzi nižun keskhe rujoheinid i läksi sigäpäi. 26Konz vil’l’ läksi orahaižile i tähkale, rujohein-ki näguškanzi. 27Radnikad mäniba siloi ižandannoks i sanuiba hänele: «Ižand, ved’ sinä oled semendanu pöudho hüvid semnid! Kuspäi sid’ kazvoiba nene rujoheinäd?» 28Ižand sanui heile: «Sen om tehnu minun vihanik.» Radnikad küzuiba siloi hänel: «Tahtoid-ik sinä, miše mö mänižim i nütkižim nene rujoheinäd?» 29«En’ – hän sanui – «tö voit ühtes rujoheinidenke nütkta nižud-ki. 30Kazgaha ned ühtes rahnmižehesai. Konz se aig tuleb, minä sanun rahnojile: Kerakat ezmäi rujoheinäd i sidogat tukuihe, miše voiži poltta. A nižu kerakat minun aitha.»»