библейские тексты (переводные)
Uz’ Zavet, (2006), с. 35; Evangelii Matvejan mödhe. Iisus käveleb galilejas i lähembaižiš tahoiš 13:53-17:27. 13.
53Konz Iisus lopi sanelda nene ozoitezstarinad, hän läksi sigäpäi 54i tuli kodilidnaha. Sigä hän openzi rahvast suimpertiš. Hö čududelihe i küzeliba: «Kuspäi om hänel nece mel’, kuspäi vägi tehta surid tegoid? 55Ei-ik hän ole se sauvojan poig? Ei-ik kuckoi hänen mamad Mariaks, i hänen vellid Jakovaks, Josijaks, Simonaks i Judaks? 56Hänen sizared-ki eläba tägä meiden keskes. Kuspäi hän om sanu necen kaiken?» 57I muga hö hül’gäižiba händast. Iisus sanui heile: «Nikus Jumalan sanankandajad muga ei vähenzoitkoi, kut kodilidnas i ičeze kodiš.» 58Hän ei tegend sigä äjid surid tegoid, sikš miše hö ei usknugoi hänehe.