библейские тексты (переводные)
Uz’ Zavet, (2006), с. 39-40; Evangelii Matvejan mödhe. Iisus käveleb galilejas i lähembaižiš tahoiš 13:53-17:27. 15.
32Iisus kucui openikoid ičezennoks i sanui: «Minei om žal’ necidä rahvast. Hö oma minunno jo koume päiväd, a heil ei ole nimidä sömäd. En tahtoi oigeta heid tägäpäi näl’ghižid, miše hö ei väzuiži matkas.» 33Openikad sanuiba hänele: «Kuspäi mö tägä rahvahatomas tahos sam muga äi leibäd, miše täuduiži ningoižele rahvazkogole?» 34«Äjak leibäd teil om?» – Iisus küzui. «Seičeme,» – sanuiba hö, – «i äjak-se kalašt.» 35Iisus käski rahvahale išttas maha. 36Sid’ hän oti nene seičeme leibäd i kalaižed, kiti Jumalad, lohkaiži ned i andoi palad openikoile. Hö jagoiba ned mehiden keskes. 37Kaik söiba külläks, i jänuzid paloid keratihe seičeme täut puzud. 38Sömäs oli nel’l’tuhad mužikad i völ akoid i lapsid.
39Sid’ Iisus oigenzi rahvahan sigäpäi, mäni veneheze i tuli Magdalan tahoze.