Продолжение проекта: Открытый корпус вепсского и карельского языков

Корпус вепсского языка

Тексты

Список текстов / библейские тексты (переводные)


Kut abutada grähkid tehnudele vellele?

библейские тексты (переводные)

Uz’ Zavet, (2006), с. 45-46; Evangelii Matvejan mödhe. Kut uskojile tarbiž eläda 18.

15«Ku sinun uskondvel’l’ tegeb grähkid sindai vaste, mäne i laji händast oc ocha. Ku hän kundleb sindai, ka sinai möst om vel’l’. 16No ku hän ei kule sindai, ka ota kerdale üks’ vai kaks’ mest, sikš miše kaikutte azj tarbiž vahvištoitta kahten vai koumen todištajan sanal. 17Ku hän ei kundle heid-ki, sanu necen polhe uskondkundale. I ku hän ei kundle uskondkundad-ki, siloi void kacta hänehe kuti uskmatomaha vai maksunkeradajaha. 18Todeks sanun teile, kaik, midä tö kel’dät man päl, se linneb kel’tüd taivhas, i kaikele, mille tö andat valdan man päl, sille linneb anttud vald taivhas.

19Völ necen minä sanun teile: ku kaks’ teišpäi man päl ladiše loita ühtes miččes taht azjas, sen hö saba minun taivhaližes Tataspäi. 20Kus kaks’ vai koume oma ühtes minun nimes, sigä minä olen heiden keskes.»