Продолжение проекта: Открытый корпус вепсского и карельского языков

Корпус вепсского языка

Тексты

Список текстов / библейские тексты (переводные)


Tarbiž-ik maksta nalogad kesarile?

библейские тексты (переводные)

Uz’ Zavet, (2006), с. 56; Evangelii Matvejan mödhe. Iisusan töd jerusalimas 21-22. 22.

15Siloi farisejad mäniba pagižemha kesknezoi, kut voiži sanoiden tagut tabata Iisusad. 16Hö oigenziba hänennoks ičeze openikoid ühtes irodalaižidenke. Hö sanuiba: «Opendai, mö tedam, miše sinä oled oiged mez’ i oiktas i sel’ktas opendad, kut eläda Jumalan mödhe. Sinä ed kacu rahvahaze i ed luge üht mest paremba tošt. 17Sanu, mittušt mel’t oled: om-ik oikti maksta kesarile nalogad vai ei?» 18No Iisus el’genzi heiden pahuden i sanui: «Tö, koiverdelijad! Mikš tö manitelet mindai? 19Ozutagat minei raha, kudambal maksat nalogad.» Hö toiba hänele dinarijan. 20Iisus küzui heil: «Kenen kuva i nimi täs om?» 21«Kesarin», – hö sanuiba. Siloi Iisus sanui heile: «Antkat kesarile mi kesarin om, i Jumalale mi Jumalan om.» 22Konz hö necen kulištiba, ka čududelihe. Hö jätiba Iisusan i läksiba sigäpäi.