библейские тексты (переводные)
Uz’ Zavet, (2006), с. 69; Evangelii Matvejan mödhe. Iisusan surm i eläbzumine 26-28. 26.
31Siloi Iisus sanui heile: «Necil öl tö kaik hül’gäidat mindai, sikš ku Pühiš Kirjutusiš om sanutud: «Jumal rikob paimnen, i lambhad jokseškandeba kaikihe polihe.» 32No konz eläbzun, minä lähten edel teid Galilejaha.»
33Petr keskusti paginad i sanui: «Hot’ kaik toižed hül’gäidaižiba sindai, minä nikonz en hül’gäida.» 34Iisus sanui: «Todeks sanun sinei: necil öl, edel sidä, konz kukoi launuškandeb, sinä koumašti sanud, miše ed tunde mindai.» 35Petr sanui: «Hot’ minei pidaiži kolda-ki sinunke, minä nikonz en sanu muga.» Mugažo sanuiba toižed-ki openikad.