библейские тексты (переводные)
Uz’ Zavet, (2006), с. 147; Evangelii Lukan mödhe. Iisusan töd galilejas 4:14-9:50. 6.
37«Algat sudigoi, siloi teid-ki ei sudiškakoi. Algat väritagoi, siloi teid-ki ei väritaškakoi. Prostigat, i teid-ki prostiškatas. 38Antkat, siloi teile-ki andaškatas. Täudel märal, kudamb om ličtud, pudištadud i čuhunke pandud, andaškatas teile. Miččel märal tö märičet, sil teile-ki märitaškatas.»
39Hän sanui heile völ ozoitezstarinan: «Jose soged voib talutada sogedad? Molembad siloi lankteba haudha. 40Openik ei voi olda arvol korktemba opendajad, no ku om openus lophusai, ka linneb kut hänen opendai.
41Kut sinä näged murdoižen vellen sil’mäs, no ed homaiče part ičeiž sil’mäs? 42Kut void sanuda vellele: „Anda-ške, vel’l’, minä heitän murdoižen sinun sil’mäspäi“, ku ed näge part ičeiž sil’mäs. Sinä, koiverdelii! Heitä ezmäi parz’ ičeiž sil’mäspäi, vaiše siloi nägištad, kut heitta murdoine vellen sil’mäspäi.»