библейские тексты (переводные)
Uz’ Zavet, (2006), с. 161; Evangelii Lukan mödhe. Iisus matkas jerusalimha 9:51-19:27. 9.
51Konz Iisusan taivhaze otandaig oli jo läheli, hän päti lähtta Jerusalimha. 52Edel hän oigenzi vestinkandajid. Hö läksiba matkha i mäniba ühthe Samarian külähä, miše vaumištada Iisusan täht kaik sijad. 53No külän eläjad ei käsknugoi Iisusale tulda külähä, sikš ku hän oli matkas Jerusalimha. 54Konz hänen openikad Jakov i Joan kulištiba necen, hö sanuiba: «Ižand, tahtoid-ik, miše mö käskižim lämoile iškta taivhaspäi i poltta heid, kut Ilja-ki tegi?» 55No Iisus kärauzihe openikoihe, kel’di heid i sanui: «Tö et tekoi, miččes hengespäi olet tulnuded. 56Ved’ Mehen Poig ei tulend surmičemha mehiden hengid, a päzutamha heid.» Ühtes hö läksiba toižhe külähä.