библейские тексты (переводные)
Uz’ Zavet, (2006), с. 173; Evangelii Lukan mödhe. Iisus matkas jerusalimha 9:51-19:27. 12.
54Iisus sanui rahvahale:
«Konz tö nägištat pil’ven päivlaskmpolespäi, sid’-žo sanut: „Vihmuškandeb, i muga linneb-ki. 55I konz puhub suvitullei, tö sanut: „Räkpäiv linneb“ i muga linneb-ki. 56Tö, koiverdelijad! Man i taivhan znamad tö mahtat lugeda, no kutak et mahtkoi tundištada necidä aigad?
57Mikš tö et mahtkoi iče pätta, mi om oikti? 58Konz astud sudha sinun ridanikanke, tege matkas kaik, miše kožudas hänenke. Muite hän tob sindai sudjannoks, a sudj andab varjoičijale, kudamb tacib sindai türmha! 59Usko minei: sigäpäi sinä ed lähte, edel ku ed maksa kaiken jäl’gmäižehe grošahasai.»