библейские тексты (переводные)
Uz’ Zavet, (2006), с. 184; Evangelii Lukan mödhe. Iisus matkas jerusalimha 9:51-19:27. 17.
11Matkas Jerusalimha Iisus astui Samarian i Galilejan keskustmežadme. 12Konz hän tuli erasehe külähä, hänele vastha tuli kümne prokazas läžujad. Hö seižutihe edehko 13i kidastaškanziba: «Iisus, opendai, armahta meid!» 14Mehid nägištades Iisus sanui heile: «Mängat i ozutagatoiš papile.» Asttes hö puhtastihe. 15Konz üks’ heišpäi homaiči, miše tegihe tervheks, hän pördihe tagaze i ülenzoiti Jumalad komedal änel. 16Hän lanksi Iisusan jaugoihe i kiti händast. Nece mez’ oli samarialaine. 17Iisus küzui: «Ei-ik kaik kümne olgoi puhtastanus? Kus nene ühesa oma? 18Mikš hö toižed ei pördnus ülenzoitmaha Jumalad, pördihe vaiše nece verhan man mez’?» 19I hän sanui mehele: «Libu i mäne. Sinun uskond tegi sindai tervheks.»