библейские тексты (переводные)
Uz’ Zavet, (2006), с. 193; Evangelii Lukan mödhe. Iisusan töd jerusalimas 19:28-21:4. 20.
20Käskištonopendajad i ülembaižed papid pidiba Iisusad sil’mnägubal i oigendeliba hänennoks kelenkandišijoid, kudambad heiteltihe oiktoikš. Hö tahtoiba tabata händast hänen sanoiš, miše jäl’ges antta händast valdanpidäjiden i manižandan käzihe. 21Mehed sanuiba hänele: «Opendai, mö tedam, miše sinä pagižed i opendad oikti. Sinä ed luge üht mest paremba tošt, a oiktas i sel’ktas opendad, kut eläda Jumalan mödhe. 22Om-ik oikti, miše mö maksam kesarile nalogad vai ei?» 23Iisus el’genzi heiden sanoiš manitusen i sanui: «Mikš tö manitelet mindai? 24Ozutagat minei dinarii. Kenen kuva i nimi sigä om?» «Kesarin», – hö sanuiba. 25Siloi Iisus sanui heile: «Antkat-žo kesarile mi kesarin om, i Jumalale mi Jumalan om.» 26Muga hö ei voinugoi rahvahan aigan tabata händast sanoiš. Iisusan vastuz čududeli heid, i hö vaikastuiba.