библейские тексты (переводные)
Uz’ Zavet, (2006), с. 202; Evangelii Lukan mödhe. Iisusan surm i eläbzumine 22:1-24:53. 23.
23 Hö läksiba sigäpäi kaik ühtes i veiba Iisusan Pilatan edehe 2i väritaškanziba händast. Hö sanuiba: «Mö voim sanuda vahvas, miše nece mez’ segoitab meiden rahvast. Hän ei käske rahvahale maksta nalogoid kesarile i sanub, miše hän om Messia, kunigaz.» 3Pilat küzui Iisusal: «Oled-ik sinä evrejalaižiden kunigaz?» «Sinä sen sanuid», Iisus sanui. 4Pilat sanui ülembaižile papile i rahvazkogole: «Minä en löuda nimittušt vigad, miš väritada necidä mest.» 5No hö udes i udes saneliba ühthe änhe: «Hän semendab torad ičeze opendusel kaikiš Judejan agjoiš, Galilejaspäi tännasai.»