Корпус вепсского языка

[?]

Тексты

Список текстов / подкорпус вепсских причитаний

Neižne jätab ičeze vouktan voudeižen

подкорпус вепсских причитаний

средневепсский диалект, западные говоры, свадебные причитания

Информант: Герасимова Оксинья Петровна, г.р. 1912, урожд. Ладва (Ladv), Подпорожский р-н, Ленинградская обл., место записи: Ладва (Ladv), Подпорожский р-н, Ленинградская обл., г. записи: 1989, записали: Кузнецова Валентина Павловна, Лукина Н.

“Käte-ške käbedaks kägoihudeks”, (2012), с. 79-82; ф/архив ИЯЛИ КарНЦ РАН: № 3196/24

Neižne jätab ičeze vouktan voudeižen		Девушка оставляет свою «белую волюшку»

Užeske ku minä jo pästan i jätan		Погоди-ка я и отпущу и оставлю

ičiin' i vouktan da voudeižen-se, krasnijan da krasoteižen-se,		свою белую да волюшку-то, красную да красотушку-то,

i tälehtaližuu vouktou pravednijou da peiveižuu-se,		и сегодняшним светлым праведным да деньком-то,

i jätan i minä ičiin' laskvale da čižoihudeliin'-se,		и оставлю я своей ласковой да сестрице-то,

i okhaske hän i krasuižoitab i likuižoitab		и пусть она и красует и ликует

i minun gor’o-gor’kijan vouktan da voudeižen-se, i krasnijan da jo krasoteižen-se.		и мою горе-горькую белую да волюшку-то, и красную да красотушку-то.

I oi, ved’ ii sija nece i minun i vouktale voudeižele-se, krasnijale krasoteižele-se,		И ой, ведь не место и моей белой волюшке-то, и красной да красотушке-то,

i pühkib hän dubovijan da laveižen-se ka,		и подметет она дубовый да пол-то,

i pühkib i minun vouktan voudeižen-se suride lomuideke-ni.		и выметет мою белую волюшку-то с большим сором.

I užeske ku minä valičen i viberin' jo,		И погоди-ка, я выберу и подберу уж,

i jätan i ičiin' vouktan da voudeižen-se i jasnijale sokolale veslale viikoihudeliin-se.		и оставлю свою белую да волюшку-то ясному соколу веселому братцу-то.

I okhaske hän i molodeckijas molodostiš i krasuižoitab i likuižoitab		И пусть он в молодецкой молодости и покрасует и поликует

i minun i vouktan da voudeižen-se.		и мою белую да волюшку-то.

I oi, ved’ i fatimoi i dogadimoi, ka ii sija sit’ i minun vouktale da voudeižele-se,		И ой, ведь схватилась и догадалась, ведь не место здесь моей белой да волюшке,

i oi, ved’ hän i unohtab i krasuižoitmata, unohtab i likuižoitmata.		и ой, ведь он забудет покрасовать, забудет поликовать.

I užeske ku minä pästan i jätan surele levedale zapol’kale-se.		И погоди-ка, я отпущу и оставлю на большое широкое заполье-то.

I okhaske hän sigä krasuiše i likuiše i rahken da radoiženke,		И пусть она там красуется и ликуется с тяжелой работушкой,

i oi, ved’ minä fatimoi i dogadimoi ka		и ой, ведь я схватилась и догадалась же

ii sija ole sid’ minun vouktale voudeižele,		не место здесь моей белой волюшке,

i mäneb ičiin' jasnį sokol viikoihudem-se		и пойдет ясный сокол братец-то

i stanovijan heboiženke-se, i teravan da jo adreiženke,		и со становой лошадкой, и с острой сохой,

i hän i segoitab i minun vouktan da voudeižen-se i mustale mahudele keskhe-se,		и он смешает мою белую да волюшку-то с черной землей.

i užeske ku minä valičen i viberin' jo vouktale da voudeižele-se [sijan]		И погоди-ка, я выберу и подберу белой да волюшке-то [место]

i tazole nitüižele-se [jätan],		и на ровный лужочек-то [оставлю],

i okhaske hän sigä krasuiše i likuiše.		и пусть она там красуется и ликуется.

I oi, ved’ fatimoi i dogadimoi ka,		И ой, ведь схватилась и догадалась,

ii sija sid’ i linneb minun vouktale da voudeižele-se,		не место здесь будет моей белой да волюшке-то,

i mändasoi noremb jasnį sokol viikoihudem i teravide lituukeižideke-ni ka		и пойдут младший ясный сокол братец с острыми косами так

i čaptas ku minun vouktou voudeižuu sorvad da jougeižed-ne.		и срежут у моей белой волюшки стройные да ноженьки-то.